منصور انا

منصور انا 
بقلم : محمد محمد خليفة
*****************************

من فوق بساط الريح بدور على الدوا
من كل حتة ارض اخدت حفنة من تراب
قلبي اللي غاب عن عيوني سنين طويلة
قالي لأ مش هسيب حق اللي غاب
مش هسيب حق اللي ضحى بعمره
وساب عياله وفي حضن الموت اترمى
مش هسيب حق اللي ولده
كل اليوم الصبح بيدور عليه
ويسأل امه ابويا فين
وهو ليه راح السما
*****************
مش هسيب حق اللي شال سلاحة
 وفي حضن الليل اترمى
يحمي الكماين والمداين
يحمي الكنايس والمآذن 
والعيال في المدرسة
******************
والموتُ في وجهِ الصباحِ قد ابْتَسم
والخوف في قلب السباع قد انْقسم 
ما عادَ شئُ في الثنايا وفي الخفايا نهابهُ
كل الجسورِ التي يوماً بناها الزمن 
........................جسراً لنا 
كل احلامِ الصبايا والشبابِ والشيوخ 
......................... احلامنا
انا نهاب ان نعيش وفي ارضنا 
دمعةُ امِ على شهيد قد فقد 
***********************
ياما الفرح يوم ما اجيب حق اسماعيل 
يوم ما اكتب جوه قلب كل واحد 
فتحي راجل مات شهيد 
يوم  ما اصحي الفرح تاني 
في قلب ام عبد الحميد
ياما الفرح مش جواز وزفه
ولا شهرين فسح وعيال وخلفه
الفرح فرحي لما اجيب حق اللي مات
ساعتها بس ترجع الفرحة في عنيه 
واترمي تحت جناحاتك كما الصبي
وتعملي فرحي وتعزمي اهل البلد .. وتزغردي
وترفعي راسك في السما وتقولي 
منصور ابني اللي جاب حق البلد
منصور ولدي اللي جاب حق الشهيد
******************************
صفوفُ الموتِ نحنُ اذا تجمعنا 
لا خوف لدينا وصوت الرعد يشبهنا 
باتت في عنانِ السماءِ نسورنا
تحومُ وتقنص كل مقتحمٍ
وفي اعماقِ البحارِ حيتانُ
لكل معتد هي مهلكةٌ
 لا فرق لديها بين حقير وعظيم
جنود انبتتهم ارض طيبة
هم خير من في الأرض جنودُ
********************************
منصور واسمه وفعله بيقول كده 
منصور واقف سبع على الكمين 
عنينه بتحدف مره شمال ومره يمين 
وحضنه يمله سينا كلها 
لو مد ايده يحضن بيها السما
واليوم شتا وساعة مغربية 
ورمضان كريم وساعة الإجابة جايه
منصور طلب انه يقف وقت الفطار
يحرس كتيبته ويفطر على تمر 
...................وشوية ثمار   
***************************
منصور ووقت المغرب ... والله أكبر 
جلجت صوت الادان 
الله أكبر ... الله أكبر 
والتمر في ايده ... ولسانه يدعي لامه 
سامحيني يامه اني أجلت الفرح 
ده انت الحبيبة الغالية  
والسند للقلب وقت ما ينجرح 
وأنت علمتيني يامه
إني أكون كما الجمل 
اصبر وماسيبشي حقي
ولا بعد ميت سنه 
وده يامه مش حقي بس ده حق البلد
سماعيل وفتحي وعبد والحميد 
وغيرهم في السما الف شهيد
سامحيني يامه ابنك راجل مش عنيد
***************************
رجالُ  فيكي يا مصرُ كما الفرسانِ
يهابها الموت وتفنى فدا الأوطان
يلبوا النداء اذا ما كانوا احياءُ
وفوق رؤوس اعدائهم ركبان
رجال تخشاهم دروع المحاربين 
وتعرفهم الأرض على مر السنين
***************************
منصور بيزعق في زمايله استعدوا
تمنايه مسلحه  وجايه لينا مستهدفه
وصورة الشهيد عبد الحميد في عينه 
وسماعيل بيكبر في ودنه 
لما منصور اخد التمنايه في حضنه
وجري نواحيهم بيحمي زمايله وارضه
ضرب علي بالسلاح كأنه 
بيصطاد خفافيش كده ولا همه
ولما اتأكد انه خلص عليهم 
كان رصاص الغدر مالي جسمه 
بص لزمايله  وقالهم
قولوا لامي .. اليوم يوم الفرح 
اعزمي كل البلد 
يا ام الشهيد اللبس ابيض 
ابنك النهارده من جديد اتولد
وفوق بساط الريح رايح للهنا
منصور انا 
منصور انا
دردشة مش دروشه رأيكم يهمنا ومتابعتكم شرف لنا والشير خير دليل ان الموضوع عجبكم