العفريت😨😨😱

-

احب اعرفكم بنفسي انا صالح  موظف في ارشيف دار الكتب والحقيقة اني بحب شغلي جداً وبعتبر نفسي من المحظوظين علشان  بشتغل في دار الكتب لأني بصراحة على قدر حبي لشغلي بحب القراءة جداً جداً وبالتأكيد شغلي في دار الكتب سمحلي اني اقرأ في الكتب اللي انا عايزها واطلع على عدد هائل من كتب التراث والفن وكمان كتب السحر والشعوذه واللي كانت اهم واخطر المجالات التي قرأت فيها وأثرت في حياتي لاني انا وصديقي اللي هو الكتاب طبعاً بجد بنأثر في بعض وبشعر وانا بقرأ اي كتاب اني في حالة واقعية وملموسة لدرجة اني ممكن تتسارع دقات قلبي وتتحبس انفاسي وده اللي كان بيحصل لي لما قريت كتاب اسمه العفريت ايوووه العفريت وعلى رأي المثل اللي بيقول اللي يخاف من العفريت يطلعله خليني احكيلكم حكاية العفريت قصدي كتاب العفريت .
كان يوم خميس نهاية الاسبوع وكمان اول الشهر والمرتب معايا وكله تمام التمام وبعد ما جبت اللسته اللي ام العيال كتبهالي واللي مسبتش فيها حاجه مكتبتهاش يعني كده من كل فيلم اغنية المهم لملمت الحاجات المطلوبه ولملمت معاها شوية الفكة اللي اتبقت من الراتب وروحت على البيت وكان من ضمن الحاجات اللي اشتريتها كتاب اسمه العفريت هو في الحقيقة مش كتاب هو كتيب صغير لكن اللي شدني فيه اني اول مرة اشوفه بالرغم من اني شغال في قلب دار الكتب لكن ممرش عليه قبل كده علشان كده قررت اشتريه خصوصاً ان تمنه كان لقطه ومعاه هديه كمان .
المهم دخلت البيت وحطيت الحاجات اللي معايا على  السفرة وكنت هلكان من التعب قمت اتوضيت وصليت العصر وحسيت كعاتي بعد الصلاة باسترخاء شديد خلاني انام مدرتش بالدنيا إلا لما قمت فجأة على صوت عالي جاي من الشارع محددتش هو ايه المهم قعدت في الصالة ولقيت كتاب العفريت واقع جنب التليفون في الارض.
اخدت الكتاب وكان الجو هادي ومفيش حد ليه صوت خالص تقريبا كده خرجوا وسابوني نايم ، بدأت اقرأ الكتاب اول صفحاته كانت غريبه بتعرفك ازاي تقراه وازاي تتعامل معاه وايه الحاجات اللي تحاول تتجنبها وايه الحاجات اللي المفروض تعملها لو انت عايز اكبر فايده ممكنه والحقيقه ان الكاتب بالرغم من انه مكنش مشوق لكن كنت دايماً وانا بقرأ صفحاته ان في مفاجأة محضرهالي لانه كان دايما بيستخدم كلمة شبكه وفضائي واتصال والكائن وكانه بيحضر نفس القارئ للي هيشوفه في الفصول اللي جايه

وانا غرقان في القرايه لقيت مراتي عديت من قدامي ومش شيفاني ولا كأني موجود اصلاً وكتبه على وشها حبيبي وابو عيالي ربنا يحفظك  وماسكه ورده وبوزها قدامها مترين وبتشم في الورد ورايحه على البلكونه جريت بسرعه الحقها قبل ما تفضحنا على اخر الزمن وقفتها وقلتلها رايحه فين بشكلك ده ، بصتلي حتة بصه وقالتلي: ايه داخله البلكونه ، هكون علشان ايه ، داخله انشر اوعى من وشي بقلك واوعى تطفي العفريت  يا نهار ابيض متكونش قرأت كتاب العفريت وهو اللي عمل كده 
في نفس الوقت لقيت ابني لابس الجزمه في دماغه وواقف على اديه وكاتب على بطنه ناشط سياسي ، يخرب بيت ابوك ايه اللي حصلك سلامتك يابني مالك ما كنت كويس قالي بس يا بابا بس اوعى تطفي العفريت بقيت موجوم ومذهووول انتوا كلكم قريتوا كتاب العفريت دي لعنة ايه دي يا رب 

وفي عز ما انا بحوش في مراتي وبحاول اعدل الواد المتشقلب ده  كنت بشعر باصوات من بعيد في الشقه اصوات حد غريب بيتكلم بس وكأنها همهمه وفجأة الصوت دأ يعلى ويعلى وكلام غريب مش قادر احدد معناه بس المصيبة انه كان جاي من قوضة بنتي والمصيبة الاكبر ان الصوت لراجل ايوه صوت راجل غريب وجاي من قوضة بنتي جريت بسرعه ووقفت جنب الباب اتأكد من مصدر الصوت ، بصيت من فتحة الباب يا نهار ابيض لقيت بنتي بتتكلم بس صوتها رااااجل ايوه صوتها اتغير وشكلها كما غير اللي متعود عليه فتحت الباب مالك يا بنتي الف سلامه قالتلي بصوتها حبيبي يا بابا تسلم ايدك على العفريت بجد جميل جداً
   جريت بسرعه على كتاب العفريت اشوف ايه اللي بيحصل وايه اللعنة اللي اصابت البيت كله وخلت تصرفاتهم غريبة بالشكل ده ، قلبت صفحاته بدأ الكلام غريب ومش مفهوم بالنسبالي حاولت اجمع من بين السطور اي حاجه تفهمني ايه اللي بيحصل الاقي كلام غريب مره تيك ومره توك ومره ابوك او بوك وانست  وجرام ومش عارف ايه حرام تقريبا رموز فك اعمال او سحر او حاجه كده
 وانا بقلب الصفحات  بسرعه علشان اتخلص من لعنه العفريت دق جرس الباب فتحت الباب لقيت راجل محترم وابن حلال بيبصلي وبيقولي الاستاذ صالح قلتله ايوه يا فندم انا هو ذات نفسه خير قالي احنا عرفنا من الشبكه يانك وصّلت راوتر العفريت والكتيب في كل حاجه عن خطوات التشغيل  وهو شغال معاك كويس بس احنا كنا حابين نتأكد من انه شغال وكمان نسلم حضوتك الهديه وراح مطلعلي عفريت تاني وقالي ده العرض بتاعنا عفريت مع كل عفريت وهدفنا عفريت لكل مواطن 

تعليقات

إرسال تعليق

المشاركات الشائعة من هذه المدونة

قصة عشق

-
صورة
قصة عشق أستيقظ رامي بعد حلم طارده طوال الليل لم يكن يعلم أن عالم الاحلام متصل بالحقيقة ولم يكن يعلم رامي ان الحقيقة التي باتت ساكنة في قلبه ويحاول أن يخفيها ستأتيه حتى في منامه حتى أيقظته على دقات قلب أنخلع شوقا الى محبوبته لم يكن يعلم أن فراقها سيكون بهذه القسوة فهو لا يكاد ينساها ولا تكاد عيناه تمل من البحث عنها كلما غدا أو راح. أزاح غطائه بعيداً عنه وأرتدى ملابسه بسرعة غير معتادة وأخذ مفاتيح سيارته الجديدة وأخذ يبحث عنها في شوارع المدينة كالمجنون ينظر يمينا ويساراً ربما يجدها واقفة هنا أو هناك ينخلع قلبه كلما وجد من يشبهها ربما من الخارج لأنها في عينيه مختلفة طاف كل شوارع المدينة أملا في أن يجدها ويعيدها إلى بيته مهما كانت العواقب وأياً كانت النتيجة. كان رامي يبحث دون أن يكل أو يتعب ودون أن يضع في حسابه موقف من هي تحت يديه الأن وكيف تكون مشاعرها وكيف ستتلقى خبر عودتها بل وكيف هو سيفعل ذلك ربما كان يبحث عنها فقط لمجرد أن يراها فتبرد نار قلبه وتهدئ حيرته ويطمئن عليها لفترة وجيزة حتى تغيب عن عينه مرة أخرى فيعاود البحث من جديد، ربما كانت أحلامه أحلام صياد في وسط البحر هلك قاربه وما زال ...
اكمل القراءة

احلام الصابرين

-
صورة
  كان لدى صابر ثلاثة ابناء اكبرهم في كلية الطب واصغرهم في الصف الثالث الاعدادي اما اوسطهم فيدرس في المجال الفني بالصف الثاني الثانوي وكانوا هم الحياة بالنسبة له وهم الفرح اذا نظر اليهم وهم الفرج اذا ضاقت الدنيا في وجهه كان حبه لهم ليس كحب اباً لأولاده ولكن كان حباً يمتزج بحنان افتقده صابر في صغره حيث كان والد صابر يعمل شاويشاً في الجيش وكان شديد الجفاف في معاملاته لم يتذكر صابر ان والده احتضنه في يوماً من الايام كانت كل ذكرياته مع والده تنتهي به الى باب موصد ليس له مفتاح. انتبه صابر الى زوجته التي كانت تنظر اليه ضاحكة بكل بشاشة بالرغم من الهشاشة التي اصابت عظامها واجلستها عن العمل حيث قامت بتسوية معاشها مبكراً في احد الجهات الحكومية  نظر صابر الى زوجته بعينين ضاحكتين يكسوهما حزن دفين قائلاً لها كل شهر وانتي طيبة يا ام الدكتور بردوا مخرمه شكلي لازم انزل وردية الليل في الشركة واطبق شفت زيادة الدكتور عايز طلبات كتيره هو واخواته ودي اخر سنه السنه دي وربنا يفرحنا بيه ويتخرج ومش عايز اقصر معاه في اي حاجه نفسي اشوفه احسن دكتور في مصر. نظرت زوجته اليه بحب وشفقة وعيناها تلمع...
اكمل القراءة

ارض الاحلام

-
صورة
أرض الأحلام بقلم: محمد محمد خليفة في يوم الجمعة الأجواء  هادئة وصوت القرآن قبل الصلاة يملأ الأركان يفكر الأب كثيراً قبل أن ينادي ابنه مؤمن كي يبلغه بالخبر الذي يعلم أنه ينتظره من زمن بعيد ذلك الخبر الذي كثيرا ما نادى به مؤمن مراراً وتكراراً ولكن والد مؤمن الذي يعمل (شيخ المسجد) ليس لديه وقت ليلبي ذلك الحلم له فعمله يتطلب إقامة  الصلاة خمس فروض في المسجد فهو من يقيم الشعائر ويقوم بأمامه المصليين  طوال اليوم ويعلمهم أمور  دينهم بالإضافة الى انه يرى ان هذا المكان الذي يريد ان يذهب اليه ابنه مكان لهو ولا يجب الذهاب اليه   ولكن قرر في ذلك اليوم أن يلبي طلب ابنه مع الحرص على عدم الوقوع في الفتن ففكر في أن يناديه ويلبي طلبه ويخبره بأن اليوم سيذهب معه إلى مدينة الملاهي وتخيل ابنه عندما يعرف هذا الخبر كيف ستكون حالته لابد وان الخبر سيكون على مؤمن كما لو كان حلم في يقظه أو يقظة في عالم الاحلام   في لمح البصر   ارتدى مؤمن ملابسه وقال لبيك أبي انا جاهز وأعدت الأم جميع متطلبات الرحلة ولكنها كانت قلقة قلقاً لم يستطيع الأب أيضا أن يخفيه أو يمنعه من أن يعتلي مل...
اكمل القراءة