قوم اطمن على فلوسك

-
السلام عليكم ورحمة الله وبركاته
لان مدونتنا دردشة مش دروشه حبيت اتكلم اليوم في موضوع مهم جداً بنتعرض ليه كلنا هو صحيح ممكن يكون موسمي يعني بيحصل مع البعض منا  او مرتين في السنة لكن الحقيقة انه من المهم جداً اننا نعرف  ازاي نتعامل معاه علشان متكونش فريسه سهلة لاي حد بايع ذمته او معندوش ضمير من اساسه  خصوصا وان الحكاية دي غالباً هتحصلكم في الصيف🏊‍♂️🚣🏻‍♀️ وساعتها هتبقه ضربتين في الراس توجع 😉ايه يا عمنا هما الضربتين✌️ وبتتكلم عن ايه بالظبط هقولكم حالاً 😎😋

الموضوع خاص بايجار شقق المصايف
اللي بيتم من على مواقع التواصل الاجتماعي او التطبيقات المشهورة للتسوق واللي من خلالها بتقوم باختيار الشقة او الشاليه اللي عجبك وبتتواصل مع الناشر من خلال رقم التليفون اللي بيطلب منك علشان تأكد حجزك انك تحوله فلوس على الحساب او انك تبعتله عربون على فودافون او اورانج كاش مثلاً وهنا بالظبط لازم تاخد بااااالك  لان في القانون قاعدة قانونية بتقول :
لا يجوز الاعتذار بالجهل بالقانون
يعني مينفعش تقول انك متعرفش ان لو الاشارة حمرا لازم تقف او ان اللافتة الخاصة بعدم الانتظار للسيارات غير مفهومه وكمان مينفعش تقول انك متعرفش انك لو  اديت لحد فلوس بارادتك الكامله دون توضيح الاسباب يبقه انت كده تخليت عن حيازة الفلوس دي بكامل ارادتك في الوقت اللي مفيش فيه اي التزامات انت ممكن تثبتها على الطرف التاني اللي هو في موضوعنا الراجل او السمسار اللي اوهمك انه هيأجرلك شقة سواء لانه وسيط او مالك للشقة او الشاليه المصيفي وهنا هيكون اتنصب عليك وغالباً مش هتقدر تعمل حاجه خصوصا لو كان التحويل عن طريق فودافون كاش مثلاً لانه مش بيتكتب في التحويل اي اسباب لانه بيودع الفلوس في حسابك وانت  اللي بتحول المبلغ المطلوب للطرف الاخر بكل ارادتك والتحويل بيكون لرقم موبايل انت شخصياً متعرفش مين صاحبه من اساسه فياريت متلومش الا نفسك لو وقعت في الفخ وكنت الضحية طيب ايه العمل مفيش حل لا اكيد في وهو التالي
¥ اول حاجه انك تحاول تبعد عن موضوع تحويل الفلوس ده بكل ملابساته من خلال تطبيق التليفون وتحجز من خلال مواقع بيتم التحويل او الحجز فيها من خلال الفيزا لانها اكثر ضماناً زي بوكينج مثلا 
¥ تاني حاجه انه اذا لزم الامر تحول عن طريق بنك وعلى حساب بنكي بعد اخذ الضمانات اللازمه للتأكد من شخصية الشخص المحول اليه الفلوس زي صورة البطاقة مثلا
 ¥اذا كان مفيش ادامك الا فودافون كاش او غيره يبقه تخلي الطرف اللي هتحوله المبلغ يبعتلك رساله على الموبايل يطلب منك تحويل قيمة المبلغ كقيمة لحجز الشاليه موضح بيها المدة وعنوان الشاليه

وبكده تكون على الاقل اذا اتنصب عليك ضمنت انك تعرف تلاقي سبب للمحضر.
ايوه صحيح نسيت اقولك ان الخبطتين اللي في الراس اولها النصبايه اللي هتقع فيها وتانيها المصيف اللي راح عليك يا معلم فخدوا بالكم واجازه سعيده.


تعليقات

  1. دردشة مش دروشة18 أغسطس 2019 في 7:31 م

    جزاك الله خيرا على التوضيح وخصوصا ان الموضوع ده بيقع فيه كتير من الناس

    ردحذف
    الردود
    1. Mohamed Khalefa18 أغسطس 2019 في 7:38 م

      وجزاك الله كل خير فعلا الموضوع مهم والمشكله ان شركات المحمول مش بتقوم بالتحويل المباشر من قبلها للمستفيد ولكم هي مجرد وسيط
      شكراً لاهتمامك ومرورك الكريم

      حذف
    2. دردشة مش دروشة18 أغسطس 2019 في 7:58 م

      العفو يا فندم

      حذف

إرسال تعليق

المشاركات الشائعة من هذه المدونة

قصة عشق

-
صورة
قصة عشق أستيقظ رامي بعد حلم طارده طوال الليل لم يكن يعلم أن عالم الاحلام متصل بالحقيقة ولم يكن يعلم رامي ان الحقيقة التي باتت ساكنة في قلبه ويحاول أن يخفيها ستأتيه حتى في منامه حتى أيقظته على دقات قلب أنخلع شوقا الى محبوبته لم يكن يعلم أن فراقها سيكون بهذه القسوة فهو لا يكاد ينساها ولا تكاد عيناه تمل من البحث عنها كلما غدا أو راح. أزاح غطائه بعيداً عنه وأرتدى ملابسه بسرعة غير معتادة وأخذ مفاتيح سيارته الجديدة وأخذ يبحث عنها في شوارع المدينة كالمجنون ينظر يمينا ويساراً ربما يجدها واقفة هنا أو هناك ينخلع قلبه كلما وجد من يشبهها ربما من الخارج لأنها في عينيه مختلفة طاف كل شوارع المدينة أملا في أن يجدها ويعيدها إلى بيته مهما كانت العواقب وأياً كانت النتيجة. كان رامي يبحث دون أن يكل أو يتعب ودون أن يضع في حسابه موقف من هي تحت يديه الأن وكيف تكون مشاعرها وكيف ستتلقى خبر عودتها بل وكيف هو سيفعل ذلك ربما كان يبحث عنها فقط لمجرد أن يراها فتبرد نار قلبه وتهدئ حيرته ويطمئن عليها لفترة وجيزة حتى تغيب عن عينه مرة أخرى فيعاود البحث من جديد، ربما كانت أحلامه أحلام صياد في وسط البحر هلك قاربه وما زال ...
اكمل القراءة

احلام الصابرين

-
صورة
  كان لدى صابر ثلاثة ابناء اكبرهم في كلية الطب واصغرهم في الصف الثالث الاعدادي اما اوسطهم فيدرس في المجال الفني بالصف الثاني الثانوي وكانوا هم الحياة بالنسبة له وهم الفرح اذا نظر اليهم وهم الفرج اذا ضاقت الدنيا في وجهه كان حبه لهم ليس كحب اباً لأولاده ولكن كان حباً يمتزج بحنان افتقده صابر في صغره حيث كان والد صابر يعمل شاويشاً في الجيش وكان شديد الجفاف في معاملاته لم يتذكر صابر ان والده احتضنه في يوماً من الايام كانت كل ذكرياته مع والده تنتهي به الى باب موصد ليس له مفتاح. انتبه صابر الى زوجته التي كانت تنظر اليه ضاحكة بكل بشاشة بالرغم من الهشاشة التي اصابت عظامها واجلستها عن العمل حيث قامت بتسوية معاشها مبكراً في احد الجهات الحكومية  نظر صابر الى زوجته بعينين ضاحكتين يكسوهما حزن دفين قائلاً لها كل شهر وانتي طيبة يا ام الدكتور بردوا مخرمه شكلي لازم انزل وردية الليل في الشركة واطبق شفت زيادة الدكتور عايز طلبات كتيره هو واخواته ودي اخر سنه السنه دي وربنا يفرحنا بيه ويتخرج ومش عايز اقصر معاه في اي حاجه نفسي اشوفه احسن دكتور في مصر. نظرت زوجته اليه بحب وشفقة وعيناها تلمع...
اكمل القراءة

ارض الاحلام

-
صورة
أرض الأحلام بقلم: محمد محمد خليفة في يوم الجمعة الأجواء  هادئة وصوت القرآن قبل الصلاة يملأ الأركان يفكر الأب كثيراً قبل أن ينادي ابنه مؤمن كي يبلغه بالخبر الذي يعلم أنه ينتظره من زمن بعيد ذلك الخبر الذي كثيرا ما نادى به مؤمن مراراً وتكراراً ولكن والد مؤمن الذي يعمل (شيخ المسجد) ليس لديه وقت ليلبي ذلك الحلم له فعمله يتطلب إقامة  الصلاة خمس فروض في المسجد فهو من يقيم الشعائر ويقوم بأمامه المصليين  طوال اليوم ويعلمهم أمور  دينهم بالإضافة الى انه يرى ان هذا المكان الذي يريد ان يذهب اليه ابنه مكان لهو ولا يجب الذهاب اليه   ولكن قرر في ذلك اليوم أن يلبي طلب ابنه مع الحرص على عدم الوقوع في الفتن ففكر في أن يناديه ويلبي طلبه ويخبره بأن اليوم سيذهب معه إلى مدينة الملاهي وتخيل ابنه عندما يعرف هذا الخبر كيف ستكون حالته لابد وان الخبر سيكون على مؤمن كما لو كان حلم في يقظه أو يقظة في عالم الاحلام   في لمح البصر   ارتدى مؤمن ملابسه وقال لبيك أبي انا جاهز وأعدت الأم جميع متطلبات الرحلة ولكنها كانت قلقة قلقاً لم يستطيع الأب أيضا أن يخفيه أو يمنعه من أن يعتلي مل...
اكمل القراءة